BARO GINDITORI

Sar te haćaras e vorbe, save vazden palav peste praho ?

Baro ginditori  ći kamel te džanel  so anel romenge lesko bilačho povestipe !

Kanak, del javno vorbe, sa jekh drom e bari bibah avel pa e Roma.

Kasave vorbe si sargodi skucome čhuri, lengi skucomata haćaren kola save ći džane ke o baro ginditori mothodaslen.

Kanak kađa kerelpes, puterdo si o vudar pa o romano hutujipe, maripe …

Dulmut si mothodo „šel drom phendo hohajipe palak harni vrjama avel o čačipa“.

Baro ginditori  si butdžanglo vov džanel  sogodi, andav kodo vov musaj te avel po majdbaro nivelo, aj kalak save si hutujime, marde  lenge naj nusaj te džanen pa o majdvuču murro niveli, von numa musaj te džanen numa ke si me me, haj kodo so me povestiv!

Sostar, te mothav lenge intrego čačimos? Pa lenge trubul  numa jekh talo pa o čačimos, vi kađa vi kađa bute dromeste sas hutujime, marde thaj tradine andav peske cere.

E bari dar si kaj ljumlja katar o antraks, sida, Covid 19, musaj te las sama pa e distanca, haj o sunto Del džanel čefal aver nasvalimate, pa so si lenge ke ći mothav e bibahtalenge o intrego čačipe, thaj javno veorbe. Vi trubul te izdran sar e rrne katar e dar, ke mesem butdžanglo me sim Baro ginditori  .

E kađa o baro ginditori pravarel  pesko ego, e receptonca/torenca save si dulmut pindžarde.

Pe jekh rig si bigrižako aj pe aver si griža, bipaćape paćape, e godola save si hutujime, marde, tradine andav peske cere si pa e aver rig katar o baro ginditoro.Majdbut ći daran katar leske dilimate ke povestil, leske džungalimate v.m…

Istorijako dulmutnipe sikada avri, ke sajekes baro ginditores leske gindurja han andral!

Amen sam Mikedem, haj tu barej dža kaj kames.

džala majdur…

                                                                                                                            boldas

                                                                                              Nebojša Vladisavljević

Evropske romske novine

Komentariši

Vaša email adresa neće biti objavljivana. Neophodna polja su označena sa *