Le lek nasoralen le khetanipestar te arakel

Le lek nasoralen le khetanipestar te arakel

Le avrenge te pomoschinel, ada o Romengero-farajn „Voice of Diversity“ andi Coroan-krisa upro astavi peske pisintscha.

Jeka plakatengera akcijonaha o Romengere-aktivistkiji taj aktivistscha, afka sar o barikano jazziskero muschikaschi Harri Stojka, i Valeri Stojka taj o pisimaschi Samuel Mago, o fogosinipe le desch- dschi deschuduj milijoni bare tschulipestar le Romendar andi Europa upre sikan.

                                                VOICE OF DIVERSITY
           O barikano jazziskero muschikaschi Harri Stojka

Fogosinipe ando maschkarutne- taj osteuropitike vilagi

Valami 50 procenti le europitike Romnijendar taj Romendar ando maschkarutno- taj ostitiko Europa dschin. Andi Corona-krisa but le tschoripestar resle dschene le tschulipestar andi Tschechija, andi Slovakija, ando Ungriko, andi Rumenija, andi Bulgarija, andi Serbija taj andi Macedonija, aun astarde on. Ando afka akarde Romengere-sidlungtscha, kaj but manuscha upre vuske thana khetan dschin, kaj nisaj lajtungakero paj taj nisaj kanalisacijona del, o schajipe baro hi, hot o nasvaliptscha igen sorale ar pumen bulharen.

„O Corona-virus na prindscharel nisaj nacijonaliteta“

I Valerie Stojka le farajnistar „Voice of Diversity“ mangel, hot la diskriminacijake gejng i Romengeri-flogoskeri grupn jek kisetinipe beschardo ol taj o sastipe la lek bareder europitika flogoskere grupnatar le cile nacijonali schtotendar taj la europitika unijonatar dim hi. „Adaj na dschal vasch Roma vaj vasch gadsche. O Corona-virus na prindscharel nisaj nacijonaliteta, le cile mansuchen fogosinel. Vaschoda, iste o lek nasorale falati le lancostar arakim on“, phenel i Stojka ando vakeripe upre volksgruppen.ORF.at.

                                                VOICE OF DIVERSITY
O schero le farajnistar Voice of Diverstity taj aktivistkija                                               Valerie Stojka
Ajgeni upre lipe taj anticiganismus

Vasch i Corona-krisa iste o farajn „Voice of Diversity“ pro planimo mulatintschago uso Internacijonali Romengero-Di, ando 8to april, upro septemberi pal tschitscha. Ande jek podijumakeri diskusija usi tema „Verhältnis von Fremd- und Selbstzuschreibungen und deren Auswirkung auf Identität und Politik“ internacijonali dschene andar i visenschoft taj politik vakerna. “Mindig phendo ol, hot nisaj anticiganismus andi Austrija del taj akor Betschiste upre jek na patijardo akaripeskero plakato uso „Zigeunerbaron” andi Volksoper dikes. Provokacijona latscho hi, ham provokacijona upro phike jeke tschulipestar, oda igen bibastalo hi“, phenel i Valerie Stojka. Lakero mursch, o barikano jassiskero muschikaschi Harri Stojka sajt berscha la protestakera akcijonaha „Ich bin gegen das Wort Zigeuner!“ jek kejmpfinipe gejng o vakerdo rasismus kerel. I akcijona meg te adi, Romengere-farajnendar andar i cili Europa, pomoschago uschtidel.

                                                                                                 VOICE OF DIVERSITY

O pisimaschi taj aktivisto Samuel Mago

Historija taj muschika la flogoskera grupnatar

Pal i podijumakeri diskusija, savi akan le 22te septemberiske planim hi, jek koncerto le Harri Stojkastar pre muschikaschenca del. Adaj jek roas maschkar o le Romendar inspirime verktscha le Stojkastar upre jek rik i historija la flogoskera grupnatar sikadi te ol taj upri avri rik te and dikipe andi adiveseskeri cajt la Romengera-muschikatar te del. O mulatintschago adala organisacijendar pomoschago uschtiden: ESRA, Hango Roma, Initiative Minderheiten, Lovara-Roma-Österreich, Romano Centro, Romano Svato, Roma Volkshochschule Burgenland, KZ-Verband / VdA Wien, Verein Exil, Verein Transdanubien, Vivaro – Viva Romnja, Volkshilfe Österreich, Initiative Thara.

Link:

Voice of Diversity

https://volksgruppen.orf.at/roma/stories/3044422/

Evropske romske novine

Komentariši

Vaša email adresa neće biti objavljivana. Neophodna polja su označena sa *