Árvai Attila: Mo zhutori (Támaszom)

Av maj mo zhutori, kanak jekhfar phurajvo

Vejasle avna mure vast thaj o phiripe te avla man pharo

Av man zhutori vatunchi, te nashtig seruvavman

So mothilom tuke ratyate – vaj deteharate hajkam

Av maj mo zhutori, kanak jekhe dyesesa phuro avo

Av manca vi atunchi, ke xasajvo bityiro

Av o chacho amal vatunchi, te avo majphuro

Mangav tut, le mure vast, ke me tut vatunchi kamo

Av maj mo zhutori, kanak mure bal ando surripe boldyol

Avri te shordyon mure asva, vatunchi av man kodo

Bibaxtales vi opre mande nakhel-tar lokhes o vaxt

Ba vi ande kadi brigasli vrama, mo zhutori numa tu av

Av – mangav tut – mo zhutori, andej intrego pozicija,

Vatunchi av manca, kanak na avla so te xav, so te pijav

Av manca vi atunchi, kanak jekhe dyeseste merajvav

Pe kado majpharo dyes te na trubusarav te xoxadyuvav

Av mo zhutori, kanak akharavtut; unyivar te reses

Kaj mi faca, so e vrama opre plugindas, res la kovles,

Thaj ande mo kan kalme vorbenca (sar fajil man)

Te phenes mange unyivar kodo: numa man kamlan…

Av mo zhutori, sar le Delores rudyisarav tut, ba kado

Numa atunchi te shinaves, te chacharela tyi vorba vi o trajo

Avla jekh dyes, kanak opre ashundyola o pshalmo: me mero

Thaj hoj Tu sanas mo zhutori – le Devleske kodo pheno…

© Pató Selam / Selam Pató

Te trubuv, inger-tar man!

(Ha kellek, vigyél el!)

Sako hakaj oprejinkerdo!

Paramichi, pecipiji, thaj poemi

(Mesék, történetek és versek)

Boldomata, iskirimata

(fordítások és írások)

Inkaljutno / Kiadó: Monori

Roma Nemzetiségi Önkormányzat

Címlap terv és kivitelezés /

Grafika: © Diczkó Olivér

A színes borítóképek a szerző munkái

Le rangake tasvira farbosardas:

e iskiritorin. Illustrator: Pató Ibolya

Iskiritorin, nakhavutnari, lachautnari /

Írta, fordította, válogatta és

szerkesztette: Pató Selam

 Financija das /A kiadást támogatta: EMMI

Emberi Erőforrások Minisztériuma Egyházi,

Nemzetiségi és Civil Társadalmi Kapcsolatokért

Felelős Államtitkársága (NEMZ-KUL-13)

2013.Hungary

HU ISBN 978-963-08-5725-3

Komentariši

Vaša email adresa neće biti objavljivana. Neophodna polja su označena sa *