Virtujeli gondolipeskero mulatintschago

GONDOLIPESKERO MULATINTSCHAGO

Sajt 1946 o gondolipeskere- taj putrinipeskere mulatintschage ando logeriskero-gondolipeskero than Mauthausen taj upro thana le agune arval paschlime logerendar mulatim on. Vasch i Covid-19-pandemija ada bersch jek virtujeli gondolipeskero mulatintschago tel likerdo ol.

ndo 5to maj 1945 o US-nimci ande Guse taj Mauthausen aun ale. But and tschapime manuscha asaj nasvale sina, kaj odola ando arte divesa taj kurke pal pumaro putrinpe mule. Le valami 190.000 and tschapime manuschendar le logeristar Mauthausen taj leskere avral paschlime logerendar ando efta berscha valami 90.000 murdarde ule.

MKÖ / Sebastian Philipp MKÖ

Vasch i Covid-19-pandemija taj le odole khetan phandle kojenca la bundakera regirungatar, naschtig o internacijonali putrinipeskero mulatintschago afka tel likerdo ol, sar tumen le prindscharen. Vaschoda, 75 berscha pal o putrinipe, jek virtujeli internacijonali putrinipeskero mulatintschago vakeriptschenca prik dschivde dschenendar, videjoskere scentscha taj and kheldi muschika dela.

Virtujeli gondolipeskero- taj putrinipeskero mulatintschago
Upro gondolipeskero than Mauthausen
10to maj 2020
11:00 dschi 12:00 orenge

O virtujeli internacijonali putrinipeskero mulatintschago jeke internacijonali akaripeha taj la Mauthausen armaja, savi ande ande mindenfelitike tschibtscha gendi ol, kesdinel.

Pal o akaripe le MKÖ-anglebeschaschistar Willi Mernyi taj o alava le CIM-presidentostar Guy Dockendorf, videjoskere scentscha uso tematischi pharipeskero gendo “Menschlichkeit ohne Grenzen von Überlebenden und VertreterInnen aus verschiedenen Ländern, Berichte zur Befreiung und die Arbeit für ein „Niemals wieder“ te dikel hi.

KVÖR

Pasche o internacijonali gondolipeskero- taj putrinipeskero mulatintschago andi cajt usar o 26to april dschi uso 20to maj 2020 virtujeli gondolipeskere kurke del.

Harne videjos logeriskere prik dschivdendar, phukajiptscha le putrinipestar, vakeriptscha le opferengere organisacijendar, le botschofterendar taj le lokali gondolipeskere inicijativendar taj buteder avre koji, sikade on.

Informaciji le ada berschengere gondolipeskere- taj putrinipeskere mulatintschagostar, laken tumen upri Homepage le Mauthausen Komitejistar Austrija.

Komentariši

Vaša email adresa neće biti objavljivana. Neophodna polja su označena sa *