Servus, Szia, Zdravo, Del tuha, | 5. April, ORF 2 Burgenland

O Romano mulatintschago 2020 Mischkate, o vakeripe le anglebeschtoha le flogoskere grupnengere bajrotistar le Romenge Emmerich Gärtner-Horvath uso Internacijonali Romengero di le Romendar, jek phukajipe la aguna scherkijatar andar i „Roma-Kontaktstelle“ andar i OSZE Mirjam Karoly taj le historikeristar Herbert Brettl usi nevi kenva pedar o Romengere khera, save bejg ispidim ule, keren o aktujeli ardipe la sendungatar

                                Romano mulatintschago 2020 Mischkate

Meg ando feberi jek soralo khetanipeskero keripe sina maschkar o gadsche taj Roma taj igen schukar loschanipe uso Romano mulatintschagi Mischkate. Sajt 30 berscha resen pumen o manuscha use ada tradicijoneli mulatintschago. Ada bersch o Romano mulatintschago le farajnistar HANGO kerdo ulo.

Anglebeschto Gärtner-Horvath uso Internacijonali Romengero Di le Romendar

O cile mulatintschagi uso Internacijonali Romengero Di, savo sajt 1971 ando 8. april mulatim ol, vaschi corona krisa tel phende ule vaj avre terminske tel likerdo lo ovla. Pedar ada taj pedar avre temtscha le anglebeschtoha le flogoskere grupnengere bajrotistar le Romenge Emmerich Gärtner-Horvath vakertscham. Ov pri buti sar avre akan kherestar kerel.

                    Sikadipeskero pomoschago Erbate akan elektronisch

O Emmerich Gärtner Horvath te o schero le farajn Roma-Servicejistar hi. Ov le Josef Schmidtiha o barikano sikadipeskero pomoschagoskero projekto Erbate vodinel. Vascho corona virus iste o sikadipeskero pomoschagoskero projekto elektronisch aunbitim ol. Ada logistischi armangipe hi taj but cajt vasche pekamlo ol.

                 Internacijonali Romengero di 2019 ando ORF KulturHaus

Kedveschne use dikaschtscha, o Internacijonali Romengero Di le Romendar la organisaijatar „Voice of Diversity“ ando 8. april ando betschitiko jazzclub „Porgy & Bess“ avro terminiske ando septemberi tel likerdo ovla. Amen vaschoda o mulatintschago andar o lejcti bersch andar o Radio Kulturhaus, kaj o farajn „Voice of Diversity“ o organisator sina, anas.

                       Mirjam Karoly | Corona virus taj i flogoskeri grupn

Andi cili Europa la flogoskera grupn le Romendar imar andar o kesdipe aun nisaj schajipe ando sikadipeskero sistemo taj latsche pomoschagoskere keriptscha upro butjakero foro hi. Lengeri situacija ande but ostitike schtotscha igen bibastalo hi. Akan le dschenenge la flogoskera grupnatar o arbulharipe le corona virusistar use ispidim ol, phenel i Mirjam Karoly, aguno schero andar i „Roma-Kontaktstelle“ andar i OSZE ando handy-jakero vakeripe.

Herbert Brettl | „Einfach weg!“ Verschwundene Romasiedlungen im Burgenland

Anglo dujto haburi ando Burghenland 120 Roma sidlungen sina. O keripe adala kherendar dschi ando 19. schelberschengero pal dschan. Duj burgenlanditike historikertscha o Gerhard Baumgartner taj o Herbert Brettl but archivakere kveltscha khetan kedine, kaj i historija le phageripestar le sidlungendar schaj dokumentirim ol. Aja buti te dikel hi andi kenva le anaveha „Einfach weg!“ Verschwundene Romasiedlungen im Burgenland. O Herbert Brettl peha söbst-vakertscha.

Komentariši

Vaša email adresa neće biti objavljivana. Neophodna polja su označena sa *