Le efta cherhaja (A hét csillag -, indiai mese)

 Sas kaj nas, varikanak dulmut baro shukipe sas; kasavo baro shukipe, sostar vi le doriji avri shutyile. Na jekh pajuni pitty na ashilas aba. Le kasht thaj le burra avri shutyile, mija thaj mija peda merdine trushatar.

Trajisardas ande kado them jekh shejori, kas kade bushile: Usha. La Ushaki dej bares nasvajvlas, phabuvali sas, thaj paji manglas. E Usha nashlas-tar kheral, hoj paji te rodel. Andre phirdas o sorro cino foro, ba na jekh pitty na rakhlas. Kade xoxadyindes, brigakes las pes po drom hoj khere te zhal.

Gelas, gelas, aba daba cirdas leske punre, khinyes tele beshlas pe le dromako rig, thaj le khinyipestar astardyilasla o suno. Kanak pale zhangadyilas, shaj te gindisaren, sar chudisardaspes: pasha peste jekh khoro arakhlas, pherde jale zvorune pajesa! Opre xuklas, thaj kheldaspes ande peski bari voja. Thaj aba majna pelas jekh cerra andar o paji, kanak ande laki godyi avilas laki nasvali, trushali dej.

 Ande pesko baro nashipe na las sama kodo, hoj jekh zhukel pashlyilas pe le dromesko mashkar, thaj pe kodoleski pori ushtyadas. O zhukel bashilas la dukhatar, ba kanak sama las kodo, hoj ande la Ushako vast pajesa pherdo khoro si, bisterdas sa kaver, thaj kezdisardas te rudyisarel, te shaj lel jekh cerra andar kodo. E Usha dikhlas, sosko trushalo-j o chorro pedo, thaj das jekh cerra andar o paji. Ande kodo sekundo parudyilas o khoro, rupuno kerdyilas.

E Usha losshasa nakhlas le rupune khorosa, thaj ande kodo le jale pajesa peska dejate.

 Kanak peska dejake patoste reslas, kothe unzardas o khoro. Lako dej na pelas, te na kade das duma:

 – Muri cini shejori, vi tu zurales trushali san, tuke trubul te pijes majangle!

 Thaj sar kado avri phendas, o khoro parudyilas, somnakuno kerdyilas. 

 Kanak e Usha aba kaj lako muj vazdas o khoro, atunchi kodo ashundas, hoj jekh phuro koldushi malavel o vudar, thaj anda paji rudyisarel. E Usha na jekh momento na gindisardas, sigo kothe unzardas leske le pajesa pherdo khoro. Thaj ande kodo momento, sar kado kerdas, efta diamondura ablyile opre ando paji. Thaj andar sa efta diamondura somnalo jalo paji shordyilas.

 O baxtalo koldushi, Usha thaj laki dej penas andar o shudrardo paji, thaj na trushajvenas majdur.

 Apol le efta diamondura te vazdajven kezdisarde, opre hurajle andar o paji, thaj hurajle majopre thaj majopre, pune resle le chereste, kaj parudyile, efta ablyolinde cherhaja kerdyile andar kodol.

© Pató Selam / Selam Pató

Te trubuv, inger-tar man!

(Ha kellek, vigyél el!)

Sako hakaj oprejinkerdo!

Paramichi, pecipiji, thaj poemi

(Mesék, történetek és versek)

Boldomata, iskirimata

(fordítások és írások)

Inkaljutno / Kiadó: Monori

Roma Nemzetiségi Önkormányzat

Címlap terv és kivitelezés /

Grafika: © Diczkó Olivér

A színes borítóképek a szerző munkái

Le rangake tasvira farbosardas:

e iskiritorin. Illustrator: Pató Ibolya

Iskiritorin, nakhavutnari, lachautnari /

Írta, fordította, válogatta és

szerkesztette: Pató Selam

Financija das /A kiadást támogatta: EMMI

Emberi Erőforrások Minisztériuma Egyházi,

Nemzetiségi és Civil Társadalmi Kapcsolatokért

Felelős Államtitkársága (NEMZ-KUL-13)

  1. Hungary

HU ISBN 978-963-08-5725-3

Komentariši

Vaša email adresa neće biti objavljivana. Neophodna polja su označena sa *