Emmerich Gärtner-Horvath uso internacijonali Romengero Di le Romendar

Roma sam

Emmerich Gärtner-Horvath uso internacijonali Romengero Di le Romendar

Vascho arbulharipe le corona virusjistar naschtig ando 8 april, uso Internationali Romengero di, mulatintschagi tel likerde on. O anglebeschto le bajrotistar le Romendar Emmerich Gärtner-Horvath phukal, hot le Romane organisacijendar andi Austrija buteder aktivitetscha ando nec dela.

Anglebeschto le bajrotistar le Romendar Emmerich Gärtner-Horvath

Rasismus taj diskriminacija pal dschuminel o plurali, mindendenfelitiko khetanipe

Vaschi aktujeli situacija pharo hi, i prognosa la cukunftake tel te del, phenel o Emmerich Gärtner-Horvath, anglebeschto le flogoskere grupnengere bajrotistar le Romendar ando aktujeli ardipe la sendungatar Roma sam. Ando koji rasismus taj diskriminacija meg mindig bare problemtscha andi europitiki unijon del, phenel o Gärtner-Horvath.

                                       Wenzel

Bundakeri ministerkija Susanne Raab taj o anglebeschte taj dujte schere le anglebeschtendar le schov flogoskere grupnendar andi Austrija.

Türkis-Grüne kojaliacija del schajipe

La regirung jek nevo programo hi, savi la flogoskera grupnengera politikake jek redo parujipenge angle dikle hi, vaschoda likeren o cile anglebeschte le schov aunprindscharde flogoskere grupnendar vakeriptscha le fartreterenca la kojaliacijakera regirungaha.

I bundakleri ministerkija le dschuvlenge taj integracijake Susanne Raab barikane le likerel, kaj ando koji diskriminacija taj sikadipe aunbeschardo ol, phukal o Emmerich Gärtner-Horvath. i clubakeri dschuvli le selenendar (Grüne) Siegrid Maurer priminel le flogoskere grupnengere fartreterenge, hot sa kerdo ovla, kaj o aunpaschlariptscha le tschulipendar prik bescharde te on, phenel o Gärtner-Horvath meg use.

Evropske romske novine

Komentariši

Vaša email adresa neće biti objavljivana. Neophodna polja su označena sa *