Roma papal o bideschne hi

O EU-akero politikeri Romeo Franz (Selene) kritisirinel, hot brigaschne koji gejngo o Roma kerde on.

O EU- akero politikeri Romeo Franz (Selene) mangel arakaripe gejng schtotlichi tradipe. O Roma andar i ost Europa butvar le virtschoftlichi arajipestar la corona krisejatar reste hi, mint on pumare loj butvar tschak staklengere khetan kedipendar taj erntejakere pomschagendar roden.

O Romeo Franz – Roma-Polgarengero tschatschipengero aktivisto taj EU-akero politikeri le Selenendar.

Ando juli, 2018 o Romeo Franz mitglid ando europitiko parlamento ulo, kaj ov 2019 pedar i lista ando parlamento ande cidija.

Arakaripe gejng schtotlichi tradipe

„O musteri prindschardo hi. O dschene le Romendar taj Sintijendar le arbulharipeske nasvalipendar mindig faunvortlich kerde on. Duach i corono krisa akan jek etnischi tschulipe meg bareder diskriminacija andrutnon le khetanipestar ar beschardo hi. Butvar oda ande vilagi hi sar andi Slovakija, Bulgarija, Ungriko taj Rumenija, kaj but Roma taj Sinti del. Use meg al, kaj o birovtschagi tschatschiptscha ande bescharen, save tschak le Romenge taj Sintijenge use tschinde hi. Afa igen ertschavo hi“, phenel o Franz.

Sajt 2014 o Romeo Franz scheroskero direkteri la Hildegard-Lagrenne-Stiftungatar hi taj sajt 20 berscha ande i polgarengeri tschatschipengeri buti usi tema „Manuscha Romengere – ajipestar (Sinti taj Roma)“.

                                                  Evropske romske novine

Komentariši

Vaša email adresa neće biti objavljivana. Neophodna polja su označena sa *