187 terdschiptscha ando becirk Neusiedl/Se

LITERATURA

O Friedrich Radlspäck andar Gols pantsch berscha upre pri kenva „Nicht systemkonform. Menschen und Schicksale– 1938-1945“ butschalintscha. I nevi kenva ando 2to april ari al.

O Friedrich Radlspäck pre verkiha „Nicht systemkonform“ schofintscha le, hot i historija aun astardi taj hajojim schaj ol. Pantsch berscha rescherschirintscha ov pra bulha dokumentacijake pedar o tedschiptscha le „na sistem konformi“ manuschendar, save telal o NS-reschim tradim ule. Andi kenva, savi ando 2to april ari al, o terdschiptscha la 187 anaveha akarde dschenenca laken. Butvar vasch dschene andar Gols dschal, ham na tschak peder odola. „O rescherschtscha ande Gols kesdinde, ham kaj me te lengere familiji mange aun diklom, te manuscha andar but gava le becirkistar angle an“ phenel o Radlspäck.

Rescherscha taj khetan kedipe

„Uso kesdipe, tschak duj bersch rescherschirintschom taj khetan kedijom, so mange igen utscho dombo bijografijendar antscha. Akor erscht o gondo mange alo, adala koji ari te del. Use poar manuscha tschak lengere ajgeni koji schaj ar butschalintschom. Valami angle trin berscha akar le erschti pisinipeha kesdintschom taj oda pisinpe, ando avre duj berscha, le neve kojenca pherahi. Saj dur mange definitivi le pisinpeske pekamlo, naschtig phenav“, afka o Radlspäck.

Charlotte TitzO Friedrich Radlspäck pra neva kenvaha

O Friedrich Radlspäck te gondolinel, hot ov meg materijaltscha lakla. „Asaj kenva ande nisaj cajt kisni ovla“, phenel ov. „Me dschanav, hot me pal o erschti ardipe la kenvatar meg but avre koji use poar manuscha taj use falati andi kenva laka“, afka o pisimaschi.

Mindenfelitike opferengere grupn

Ande leskeri buti o dschidovtscha angle an, afka sar te o Roma, o NS-justicakere opfertscha, o NS-eutanasijakere opfertscha, viderschtaundiskere kejmpfertscha/kejmpferkiji taj meg but avre. O Friedrich Radlspäck probalintscha, le manuschen papal te dschil te mukel, afka phendo „angle te terdscharel“. „But manuschenge bulhe avrenge harneder bijografi schaj kertschom“, phentscha o Radlspäck. „Avrenge tschak dschijakan lengere barikane datscha atschon. Poar terdschiptscha dschi ando lek tikneder falato schaj putrim ule, avre meg prade atschon. Me schaj phenav, hot igen barikani buti sina“, afka o pisimaschi.

Evropske romske novine

Komentariši

Vaša email adresa neće biti objavljivana. Neophodna polja su označena sa *