Mothoven amari phuv kuri?
Amen majdbuth na trajina,vaćeren
Se ka vaćeri i čhuri ko zađiba
O kham kana o dive javinakor disjari.
Resol bešljam talo tumare pre,
Alo o dive hem amen te ušta,
Vazden phraljaljen tumare šere,
Tumare čhavenje roden mekipe.
A tumen so dikhena,amencar
So asana,na đanena tumen ko sijam
Amen pana,đi jekheste mekipase ka pera,
Sose alo o dive hem amen đivdipe te ćera?
Na daraja više amen,resol dukha,cidle
Ano amare vile sine,ušten phraljaljen
Tharen,tumare čhavenje mekipe te anen.
Ma daran akana,ni khamestar,ni phuvjatar,
Ni ruvestar,jagaka o dinizi tharen,
Panjeja o veša peraven,ustavćeren
Anglo tumende,sa so ka resen,phralipe
Ano tumare vilja sinen,tharlencar
Tumare čhera vadinen,maškaro
Tumende phralipe,jekhipe ćeren,
Amari dukh phraljaljen sine but
Bari,odoljese ano tumare vasta
Neka vaćeri i čhuri,amari phuv kuri?
Seljajdin Salijević Salijesor
Evropske romske novine
