Roma vađ cigani, vađ vareso trito

Anada, opre chutimate, historija, etniteto, lingvistika, inkaldimosarja vi etnonimo e Romengo.

Pa o angluno kongreso e Romengo, savo sas inkerdo 1971.berš, andino si kavak etnonimo, aj kodoleski da e zor vi e maškar ljumljako kidipe.

Kanak si pichimos, sostar ande kasavo etnonimo mothodo si ke: ke si kodo majdcara, dukhavimaski vorba, aj vi kodo ke buteste, e Roma korkoro pes kađa akharen.

Mothodo sa vi kodo, ke e vorba „Cigani“ bilachi, a muklapes o than vi pa kodoja e vorba savi šaj te hasnirilpes, pa e kola save kodo kamen.

Kanak sas phuchimos, sostar kodoja vorba si dukhavimaski, „Cigani“, po kavak etnonimo, aver vorbe sargodi si: (Egiptian, Madjup, Djip, Hitanos, Žitan, Džipsi, Cingaro, Cigojner…), ande peste inkerdjon buteste bilachimaski doza, ando kontekst, diskrimativano dikhimos, thaj stereotipja, aj lesko lingvistikano dulmutnipe teljarel, katar e grčko vorba, «Atsiganos – Nedodirljivi» (kovak trito), pa o raj  Marcellu Courtiadeu, vi kodoja vorba si ando fondome bigođako, kanak khuvosajle duj thema, Roma thaj jekh persijsko-arapskog pleme, aj save anenas jekh pe avreste, sar trajinas, so kerenas, paše kavak si vi aver gindurja kanak si pchuchimata pe e vorba, aj savi sikhavel geografikani historija,sostar – toponimi, katar sja e Roma nakhenas.

Nebojša Vladisavljević

Evropske romske novine

Komentariši

Vaša email adresa neće biti objavljivana. Neophodna polja su označena sa *