Fundavimos pa o Harri Stojka

“Fundavimos pa o Harri Stojka”

Familija, Vienna Harri Stojka, avel andar but baro, thaj pindžardo pleme Lovara, andar e dinastija Bagarešći.Majd anglal 150 berš, on aviletar andar e Vlaška, kodoja familija djinavelas, prdal e 200 džene.

O II maškar ljimljako maripe, e familijake Stojko, anda bari bibah, katar o atunčaresko fašističko režimo, sa sas ingerde po bigoresko drom, čhutine sas pa e majdbare ćinurja, ingeredelen sja ande koncetracione logorja, Aušvic thaj Bergen-Belsen.

But lender save sas ingerde ande logorja, ći birinas te boldenpes, kote si mudarde.

Katar 200 džene, numa šov džen achile džude, maškar kodola šov dženes vi lesko dad Hari thaj o lesko kak.

Pala kasavi bari bibah, thaj ćinurja, prdal save nakhline, intrego lengo trajo sas ande jasva, ileske dukha, thaj roimos.

Leske dadesko bachavimasko idolo, sas Frenk Sinatra.

Harri,thaj leske duj pheja, bijande si, majdpalal bute beršenca.

Kanak, leski dej,delasles kuna, gilabelas leske,gilj katar e Beatlesa.

Kanak avenas Krechunoske bachtale djesa, ande familija Harri Stojka, gilabenaspe e gilja pe romani chib, dulmutane romane gilja, save sas but triste, aj save boldenaslen gindonenca pa e nakhle majdbare ćinurja, ande koncetracione logorja, Aušvic thaj Bergen-Belsen.

Sar e cine bejaturja, Harri thaj leske phral, garadjionas tala mesalja.

Univar von nachenas, tena ašune kasave triste, thaj ileske dukhade gilja.

O Harri, barila paša bari žalja, thaj e dukha, save pharavenas o ilo leske dadeske thaj familijake.

Kanak sas leske šov berš, lesko dad kinda leski cini plastikani gitara.

Palo cino Harri, kavak sas but,but baro bahtalimos, vov sas e gitarasa fascinirime.

Djes,djeseste o Hari sićolas te gilabel, pa e kodoja plastikani gitara!

Lesko dada, kanak dikhlas, thaj pidžardas lesko talento, ći buteste gindisajlas, gelas thaj kindas leske chachi gitara. Lesko dad pa e teljarimosko gor mothoda leske: musaj te sićos,sićos,thaj numaj saićos!

Po pesko gilabimosko teljripe sas impresionime Beatlesaima.

Lengo kher sas pherdo gilanca, leski phen Doris ašunelas anglikano rock, Harris ašunelas, Elvis Presley.Kala khuvade gilabimaske stilurja,mukline prće, pa e leski gilabimaski karijera.

Aba, kanak crrcica barjila, lesko gilabimasko idolo sas George Harrison.

Autor: Nebojša Vladisavljević

Boldas:Duda

Izvor: Evropske romske novine


Counter kostenlos

Komentariši

Vaša email adresa neće biti objavljivana. Neophodna polja su označena sa *